Manifesto da Paz

Colexio “Casa de la Virgen” a 30 de xaneiro do 2014

   Hoxe, día escolar da non violencia e da Paz, e desde o noso colexio queremos recordar que nós seremos o futuro da nosa sociedade; e que ,ese futuro, necesita sobre todo Paz. Como dixo Gandhi, non debemos buscar o camiño cara á Paz, senón que a Paz debe se-lo camiño.

  Aínda somos novos, pero podemos facer que a violencia, as loitas, os desacordos deixen de ser as escusas que separan aos pobos e persoas. A solución aos conflitos debe pasar pola comunicación, comprensión, diálogo e sobre todo por aprender a poñerse no lugar do outro.

  Por iso, a nosa formación e valores deben se-la guía para mellora-la sociedade do futuro. Estes valores nos comprometen a:

  Respecta-la vida e a dignidade de cada persoa.

  Practica-la non violencia activa, rexeitando a violencia en tódalas súas formas: física, sexual, sicolóxica, económica e social, en particular cara ós máis febles e vulnerables como nenos e adolescentes.

  Comparti-lo tempo e os recursos materiais cultivando a xenerosidade coa fin de terminar coa exclusión, a inxustiza e a opresión política e económica.

  Defender a liberdade de expresión e a diversidade cultural, dando preferenza  ao diálogo e a escoitar , sen caír no fanatismo, nin na maledicencia e no rexeite do próximo

  Promover un consumo responsable e un modo de desenvolvemento que teña en conta a importancia de tódalas formas de vida e o equilibrio dos recursos naturais do planeta.

  Contribuír ao desenvolvemento da propia comunidade propiciando a  participación de cheo das mulleres e o respecto aos principios democráticos, coa fin de crear xuntos novas formas de solidariedade.

  A paz é moito máis que ausencia de conflicto. Non hai paz sen xusticia. Pero non hai xusticia sen amor. As leis e os gobernos democráticos non bastan para asegurar unha vida digna e xustiza para todos. Hai que alimentar na sociedade unha profunda convicción moral e un desexo real e sincero de paz e de benevolencia cara ós demais. Desexa-lo ben, para un mesmo e para os demais. Sen amor e sen fe na humanidade non pode haber paz. E este desexo está por enriba das ideoloxías, as relixións e as culturas.

  Non poderá haber paz no mundo se non hai paz dentro de cada un de nós. Paz cun mesmo; paz coa familia, paz cos veciños, paz cos compañeiros, paz cos que non pensan igual ca nós, paz co estraxeiro, paz coa natureza, paz coa historia, coas outras culturas, paz co misterio da realidade que non comprendemos nin podemos abranguer.

  O noso colexio é o lugar para formarnos nestes valores e para levalos á práctica. Como símbolo do compromiso para facer da Paz a nosa forma de vivir construiremos o seguinte mural, e ao final cantaremos xuntos a canción desta celebración...